Thursday, June 23, 2011

བཀའ་བརྒྱུད་ཆེ་བཞི་ཆུང་བརྒྱད།

༡༽ དཔལ་ལྡན་ཀརྨ་པ་དང་གར་གྱི་དབང༌། །སི་ཏུ་རྒྱལ་ཚབ་དཔའ་བོ་རིམ་བྱོན་དང༌། །རྨ་སེ་རྟོགས་ལྡན་ཀརྨ་ཆགས་མེད་སོགས། །ཀཾ་ཚང་བཀའ་བརྒྱུད་རྣམས་ལ་ཕྱག་འཚལ་ལོ།

༢༽ འགྲོ་མགོན་རྡོར་རྒྱལ་སྤྱན་སྔ་རིམ་བྱོན་དང༌། །ཉག་རས་སེ་བོ་གྲུབ་ཐོབ་སྤར་ཕུ་བ། །སངས་རྒྱས་ཞིག་ཆེན་ཆོས་སྐུའི་མཚན་ཅན་སོགས། །ཕག་གྲུ་བཀའ་བརྒྱུད་རྣམས་ལ་ཕྱག་འཚལ་ལོ།

༣༽ དར་མ་དབང་ཕྱུག་བརྒྱུད་འཛིན་སྲས་མཆོག་ལྔ། །ཏི་ཤི་ཤེར་སེང་རས་པ་དཀར་པོ་དང༌། །ལུས་མེད་རྡོ་རྗེ་གཞོན་ནུ་འབྱུང་གནས་སོགས། །འབའ་རམ་བཀའ་བརྒྱུད་རྣམས་ལ་ཕྱག་འཚལ་ལོ།

༤༽ ཡིན་ངེས་རྣམ་བཞི་འགྲོ་མགོན་སྐྱེ་མེད་ཞང༌། །ཤཱཀྱ་ཡེ་ཤེས་སངས་རྒྱས་འབུམ་འོད་མཚན་བཞི། །དར་མ་གཞོན་ནུ་གཙང་སྒོམ་ལྕེ་སྒོམ་སོགས། །ཚལ་པ་བཀའ་བརྒྱུད་རྣམས་ལ་ཕྱག་འཚལ་ལོ།

༡༽ འཇིག་རྟེན་གསུམ་མགོན་དཔལ་ཆེན་རྣམ་པ་བདུན། །རང་མཉམ་བཅུ་གསུམ་གྲུབ་ཆེན་གཉོན་མགར་ཆོས། །རིན་ཆེན་རྣམ་གཉིས་གདན་རབ་རིམ་བྱོན་པའི། །འབྲི་གུང་བཀའ་བརྒྱུད་རྣམས་ལ་ཕྱག་འཚལ་ལོ།

༢༽ ཐང་པ་བཀྲ་ཤིས་དཔལ་བ་རང་མཉམ་བརྒྱད། །ཐུགས་ཀྱི་སྲས་བཞི་ཉེ་བའི་སྲས་བཅོ་བརྒྱད། །རྟོགས་པ་མཆོག་གྱུར་གཉིས་སྟོང་བརྒྱད་བརྒྱ་སོགས། །སྟག་ལུང་བཀའ་བརྒྱུད་རྣམས་པ་ཕྱག་འཚལ་ལོ།

༣༽ རྒྱལ་ཚབ་རིན་མགོན་ཀུན་ལྡན་རས་པ་ཆེ། །བྱམས་པ་དཔལ་བ་མ་གཅིག་རེ་མ་དང༌། །ལྕེ་སྒོམ་ཞིག་པོ་བུ་སྟོན་ཆེན་པོ་སོགས། །ཁྲོ་ཕུ་བཀའ་བརྒྱུད་རྣམས་ལ་ཕྱག་འཚལ་ལོ།

༤༽ གླིང་རས་རྒྱ་རས་སེང་གེའི་མཚན་ཅན་དགུ། །ལོ་རྒོད་རྣམ་གཉིས་ཡང་དགོན་འབའ་ར་བ། །སྟོད་སྨད་བར་གསུམ་ཕྱོགས་མཐའ་ཀུན་ཁྱབ་པའི། །འབྲུག་པ་བཀའ་བརྒྱུད་རྣམས་ལ་ཕྱག་འཚལ་ལོ།

༥༽ སྨར་པ་ཤེར་ཡེ་ཡང་དགོང་སྤྱན་སྔ་བ། །དབུ་རྩེ་རིན་གླིང་འོད་ཟེར་བླ་མ་དང༌། །ཤིང་མགོ་རིན་ཆེན་རྒྱལ་མཚན་རྣམ་གསུམ་སོགས། །སྨར་ཚང་བཀའ་བརྒྱུད་རྣམས་ལ་ཕྱག་འཚལ་ལོ།

༦༽ སངས་རྒྱས་ཡེལ་པ་རྩེ་མོ་འོད་ཟེར་དཔལ། །འོད་གསལ་བ་དང་ཡང་དགོན་བློ་གྲོས་རྒྱལ། །རྒོ་ན་རིན་ཆེན་དགོན་སར་བ་ལ་སོགས། །ཡེལ་པ་བཀའ་བརྒྱུད་རྣམས་ལ་ཕྱག་འཚལ་ལོ།

༧༽ ཟ་ར་སྐལ་ལྡན་ཡེ་ཤེས་སེང་གེའི་ཞབས། །གནུབས་སྟོན་འདུལ་འཛིན་ཆོས་ཀྱི་སྨོན་ལམ་པ། །རིན་ཆེན་ཇོ་སྲས་རྟོགས་ལྡན་བུ་བཞི་སོགས། །གཡའ་བཟང་བཀའ་བརྒྱུད་རྣམས་ལ་ཕྱག་འཚལ་ལོ།

༨༽ གྱེར་སྒོམ་ཆོས་སེང་སྟོང་སྨད་རྟོགས་ལྡན་དྲུག །རིན་ཆེན་སྙིང་པོ་བྲག་འབུར་རི་པ་སོགས། །གང་ནས་སློབ་བརྒྱུད་རིམ་པར་བྱོན་པ་ཡི། །ཤུགས་གསེབ་བཀའ་བརྒྱུད་རྣམས་ལ་ཕྱག་འཚལ་ལོ།

Saturday, June 18, 2011

ཀརྨ་རོལ་པའི་རྡོ་རྗེའི་ཞལ་ནས།

དུས་འཆི་བདག་གི་རྒྱལ་པོ་བྱུང་ཙ་ན། །སེམས་བདེ་མོ་ཞིག་ཡོང་བ་དཀའ་མོར་གདའ། །ཚེ་ཕྱི་མ་གར་འགྲོའི་གཏོལ་མེད་པས། །དུས་ད་ལྟ་བསམ་བློ་ཞིབ་ཏུ་ཐོངས། །ལར་ཡང་བསམ་བློ་ལེགས་ཐོངས་དང༌། །བློ་ཡིད་ཆེས་བདོག་ན་ངོ་མཚར་ཆེ། །དེ་མིན་ན་ད་རེས་སྙིང་རུས་བསྐྱེད། །ཅེས་གསུངས།

legs bshad ni mai 'od zer

[82]

Pre.

June 18, 2011

Lamp for the Path to Enlightenment